Bo permit ekonomiko ta kaduka aki 2 luna, check e lista y buske lihe!

News type: 
Chamber news
Featured news: 
No, not a Featured news item
Image Featured news: 
Image news: 

Tin hopi pèrmit ekonómiko kla, ku e doño no a pasa buska; MEO ke duna 2 luna di tempu pa pasa buska nan, sino nan ta kaduká!

Ministerio di Desaroyo Ekonómiko (MEO) ta sintá ku masha hopi pèrmit ekonómiko ku ta kla, pero ku esun ku a pidi e pèrmit aki no a pasa buska. Den kuadro di efisiensia den funshonamentu, MEO ke duna esnan ku a pidi un pèrmit ekonómiko 2 luna di tempu pa pasa buska nan pèrmit. Si esei no sosodé, e pèrmit ta kaduká i lo mester hasi un petishon di nobo.

Ministerio di Desaroyo Ekonómiko ta trahando hopi duru ya pa algun tempu kaba pa hasi otorgamentu di pèrmit mas efisiente posibel. A kuminsá ku aktualisá e lista di petishon pa pèrmit ekonómiko ku e meta pa eliminá retraso ku tabatin den dunamentu di pèrmit.

Aña pasá tabatin kulminashon di e esfuerso aki, kaminda a selebrá eliminashon di un retraso di 4000 pèrmit ekonómiko. E trayekto aki, ku ta karga e nòmber “From Red Tape to Red Carpet” ta un maneho destiná pa duna e invershonista un trato di rei.

Den kuadro di esei i konsiderando ku MEO ta trahando hopi duru pa duna mihó servisio, Ministerio di Desaroyo Ekonomiko ke stimulá tur hende ku a hasi un petishon pa un pèrmit i e pèrmit aki a keda kla, pa pasa i tuma nan pèrmit na ofisina di MEO na Molenplein, Otrabanda.

Akibou e lista di pèrmit di añanan 2011, 2012 I 2013 ta publiká pa fasilitá e persona ku ke chèk ku su pèrmit ta kla. Bo por download y buska bo nomber den e lista.

Publikando e listanan aki, MEO ke desaroyá e konsenshi den komunidat pa esnan ku a pidi un pèrmit, pasa buska esaki tambe ora e ta kla. Pa loke ta e pèrmitnan ekonómiko di 2011, 2012 i 2013 ku ta kla, MEO ta duna 2 luna di tempu pa pasa i buska nan. Dos luna, pa evitá ku por presentá hopi hende pareu. Mester tene kuenta ku un kos importante si: si e persona no buska su pèrmit dentro di dos luna, e permit ta kaduká i e mester hasi e petishon di nobo.

Ta bon pa rekòrdá tambe: pa e pèrmit di negoshi i pa e pèrmit di direktor mester bin ku un seyo (“zegel”) di 10 florin.

Klik akibou riba e attachment Publikatielijst_EV_op_alfabet.feb272013.pdf, pa wak e lista:

AttachmentSize
Publikatielijst_EV_op_alfabet.feb272013.pdf81.99 KB